車主部車首次登記港車北上，不會再有禁區紙，不需要俾禁區紙費用。但成功批核後會收到郵件批準部車過關。郵件必須自行下載作紀錄。
（注：申請流程照舊）

如果已經做過港車北上，但需要重溫一下點做/續期，可直接跳去第3點呢到

1. 申請內地電話號碼

A. 於香港申請一卡兩號
我最後揀香港申請一卡兩號，因為平。中聯通 頭30個月 $11/月。其後要收番行政費。加上自己有電話台已經有內地數據，我只需要一個內地號碼。
一卡兩號的內地號碼叫副號。若您有日想換電話台，內地號碼轉唔走。

B. 於內地申請號碼 (適合常到內地旅遊)

係內地申請好處係計劃提供大量數據可以用。不過用唔到facebook，youtube等。但可以用黎導航，自駕遊時聽歌。

2. 安排申請內地駕駛執照

A. 無預約 walkin

因為當時自己都唔知到底去邊一個地方整好。珠海，深圳，沙頭角都有。所以冇預約。一早就出發。

B. 網上預約

可以係微信小程式搵 “深圳交警” 去搵番相對地方預約時間。但我自己驚趕唔到時間最後都係搞walkin

要帶:
1. 香港駕駛執照
2. 準備錢 (RMB490。可能日後有變。唔肯定。)

車管所出面有幾部自助體檢機，walkin/預約前先直接去搞體檢先，影埋相先再去處理申領駕駛執照。
特別提醒: 必須要一早去處理。

3. 港車北上抽籤

按照申請時間表(可按此彈去網站睇)，去抽籤 (準備文件可以係個網入面見到)。成功抽到之後可以準備定問內地汽車第三者保險(內地叫 交強險)，並通常買埋商業險＋意外險。其次就係去埋個網站 – 港車北上信息管理服務系統 睇進度。
續期的話， 會於過期前一個月至一個半月收到電郵通知，在邊一段日子內到網站去續期。

如有需要驗車，驗車公司會係您成功驗車後，自動上載番去系統到。您唯一要做既係上載交強險。

4. 驗車

可自行預約。中國檢驗有限公司　或 香港中旅。系統會話您知幾時要驗車。

5. 交強險及商業險

因為交強檢保額唔夠大(20萬)，所以至少都一定買埋商業險(通常見人至少買300萬)。

無論係邊到買保險都好，記得自己要印番出黎，記底個support hotline。

如果有需要幫手買內地交強險都可以搵我 (5113 0668)。

6. 交警備案

最後呢一part，係會等到您交強險日期當日生效後三個工作日內先會處理。

過程中，如果有違法未處理，如罰錢未交，要處理左先會通過的。如果冇違法，您要打去珠海交警查詢。電話可以係港車北上服務系統搵到。

完成後，可以去番香港運輸署港車北上系統(搞抽籤個到) 下載番個批准信 (代替之前的禁區紙)。出發前，先預約(星期二，三，指定日子除外)。

安裝 ETC 收費機 (過橋費 95折，包括港珠澳大橋)

另外提提，裝內地 ETC 機（免人工俾錢），唔駛直接係港珠澳大橋到搞，過晒關之後，可以係大部分，其中既高速收費亭。實會有一個係隔離收費亭邊位。幾年前就唔駛錢，而家要 RMB 1百幾，另加要至少增值落張ETC卡既費用 (好似係 RMB150 👷)。可以揀微信/內地支付寶增值(安裝時，只可以選擇一個渠道)

整ETC 可以用手機影底文件 – 香港車輛薄牌。其他個啲駕駛執照，內地臨時車牌號碼等基本上您都有係車上。

如果您覺得係內地買既保險唔夠cover 自己同屋企人既額度，或會走長途，您都可以考慮買埋個旅遊保險cover 內地。

有時會有旅遊保險優惠折扣，可以按此彈去睇睇。 另外仲有香港汽車保險提供。
QBE 旅遊保險資訊

想係出發前檢查下部車，輪胎同電池? 出發得安心，Tyrehood 客戶可以預早聯絡我檢查部車。